آن لائن جاپانی سیکھئے سبق 45　ٹھیک نہیں لگ رہے ۔

آپ کے گھر میں پیسے خرچ کرنے کا اختیار کس کے پاس ہے ؟ جاپان کے تقریباً 70 فیصد گھرانوں میں گھر کے اخراجات کا کنٹرول بیویوں کے پاس ہوتا ہے ۔یعنی شوہروں کے پاس اپنی مرضی سے خرچ کی جاسکنے والی رقم بہت کم ہوتی ہے ۔
ایک بینک گزشتہ 30 سال سے اس بارے میں ایک سروے کرتا ہے ۔ سنہ 2010 کے سروے کے نتائج کے مطابق ، ملازمت پیشہ افراد کے پاس، ماہانہ خرچ کے لیے اوسطاً 40 ہزار 600 ین ہوتے ہیں ۔ نصف سے زائد افراد کا کہنا تھا کہ وہ اس رقم کو دوپہر کے کھانے ، اور اپنے مشغلے پر خرچ کرتے ہیں ۔
دوسرے الفاظ میں کہا جائے تو انہیں رقم کے استعمال میں انتہائی ہوشیار ہونا چاہئے ، تاکہ دوستوں کے ساتھ کھانے پینے کے لیے بھی رقم بچ سکے ، جو دوستانہ تعلقات کے لیے بہت ضروری ہے ۔ سروے میں ایک سوال یوں تھا کہ آپ کس مد میں رقم بچاتے ہیں ۔ اس کے جواب میں زیادہ تر افراد کا جواب تھا ، دوپہر کے کھانے میں ۔ یعنی یا تو وہ کام پر لنچ بکس ساتھ لیجاتے ہیں ، یا پھر ممکنہ حد تک سستے ریستوران میں کھاتے ہیں ۔