Kujifunza Kijapani kwa mtandao Somo la 45　Nakuona si mzima

Nani aliyeshikilia pochi nyumbani kwenu? Kiasi cha asilimia 70 ya familia nchini Japani, wake ndio wanaodhibiti fedha za familia. Hii inamaanisha kuwa waume wana pesa finyu tu za kuweza kutumia wanavyotaka.
Kwa mujibu wa 'utafiti wa pesa za matumizi ya waajiriwa wanaolipwa mshahara', utafiti ambao unafanywa na benki fulani kila mwaka kuanzia zaidi ya miaka 30 nyuma, wastani wa pesa zao 2010 ulikuwa yeni 40,600. Matumizi yao, zaidi ya nusu wanajibu 'gharama ya chakula cha mchana' na 'gharama ya hobi'.
Wanahitaji kusarifu pesa vizuri ili kukamua pesa za kutosha kutoka pesa zao finyu si kwa chakula cha mchana tu bali kwa gharama ya kula na kunywa kwa ajili ya kuendeleza urafiki wao na wenzao pamoja na gharama ya hobi pia. Uchunguzi unasema kwamba walipoulizwa wanapunguza nini zaidi, karibu wanaume wote wakajibu gharama ya chakula cha mchana. Ndiyo maana wanakwenda kazini na chakula, au wanachagua mkahawa wa bei nafuu kadiri inavyowezekana.

Chanzo:Benki ya Shinsei