သင်ပေးပါဆရာမ

ဂျပန်အက္ခရာစာလုံးများ (သင်ခန်းစာ 1)

ဂျပန်ဘာသာမှာအက္ခရာစာလုံးအမျိုးအစား ၃ မျိုးရှိပါတယ်။ တစ်မျိုးချင်းစီကို သူ့အခန်းကဏ္ဍနဲ့သူ ခွဲသုံးရပါတယ်။ WATASHI WA ANNA DESU “ကျွန်မဟာ အန်းနာပါ” ဆိုတဲ့ဝါကျကို ဂျပန်လိုရေးတဲ့အခါ နာမ်ဖြစ်တဲ့ WATASHI “ကျွန်တော်၊ ကျွန်မ” ဆိုတာကို Kanji နဲ့ရေးပါတယ်။ WA, DESU နဲ့ တခြား သဒ္ဒါဆိုင်ရာအသုံးအနှုန်းတွေကို Hiragana နဲ့ရေးပါတယ်။ ကြိယာတွေနဲ့ နာမဝိသေသ နတွေကိုတော့ Kanji နဲ့ Hiragana နှစ်မျိုးလုံးနဲ့ သုံးပါတယ်။ "ANNA" အန်းနာ လိုမျိုး နိုင်ငံခြား နာမည်တွေနဲ့ မွေးစားစကားလုံးတွေကိုတော့ Katakana နဲ့ ရေးပါတယ်။ Hiragana နဲ့ Katakana တွေဟာ အသံတစ်သံကိုအက္ခရာတစ်လုံးနဲ့ရေးသားပါတယ်။
ဂျပန်ဘာသာစကားမှာ a i u e o ဆိုတဲ့ သရ ၅ လုံးရှိပါတယ်။ ဗျည်းကတော့ ၉ လုံးရှိပါတယ်။ ဂျပန်စကားအသံထွက်မှာတော့သရတစ်လုံးတည်းအသံထွက်တာလည်းရှိတယ်။ ဒါမှမဟုတ်ဗျည်းနဲ့သရကိုပေါင်းစပ်ပြီး အသံတစ်သံထွက်တာလည်းရှိပါတယ်။
ဒါတွေအပြင် n ဆိုတဲ့ အသံလည်းရှိပါသေးတယ်။ ဖတ်စာအုပ်နဲ့ဂျပန်စကားပြောသင်ခန်းစာရဲ့အင်တာနက်စာမျက်နှာမှာပြထားတဲ့ရေးနည်းတွေကို
သုံးပြီးသောတရှင်တို့ရဲ့နာမည်ကိုဂျပန်လိုကြိုးစားပြီးရေးကြည့်ပါဦးနော်။