သင်ပေးပါဆရာမ

TE-ပုံစံကြိယာ + KUDASAI (သင်ခန်းစာ 8)

တစ်ယောက်ယောက်ကို တစ်ခုခုလုပ်ပေးပါလို့တောင်း ဆိုတဲ့အခါ TE-ပုံစံကြိယာ ရဲ့နောက်မှာ KUDASAI ကျေးဇူးပြုပြီးလုပ်ပါဆိုတာကို ထည့်ပြောပါ တဲ့။ TE-ပုံစံကြိယာ ဆိုတာက TE ဒါမှမဟုတ် DE နဲ့ဆုံးတဲ့ ပုံစံ ကိုပြောင်းထား တဲ့ကြိယာတွေပါ။

ဥပမာ မှတ်ပါလို့ ပြောချင်တယ် ဆိုရင် OBOEMASU (မှတ်တယ်၊ မှတ်မယ်) ရဲ့ TE-ပုံစံကြိယာ ဖြစ်တဲ့ OBOETE ရဲ့ နောက်မှာ KUDASAI ကိုထည့်ပြောပြီး OBOETE KUDASAI လို့ပြောပါတယ်။ OBOEMASU လို MASU ပုံစံ ကြိယာ တွေကို OBOETE ကိုပြောင်းသလိုမျိုး TE ပုံစံဘယ်လိုပြောင်း သလဲဆိုတာပြောပြပါမယ်။

အခြေခံအားဖြင့်တော့ MASU ဆိုတာကို TE လို့ပြောင်းလိုက်ရုံပါပဲ။ ဥပမာ - စားတယ်စားမယ်ဆိုတဲ့ ကြိယာက TABEMASU။ TE ပုံစံက TABETE ဖြစ်ပါတယ်။ ဒီတော TABETE KUDASAI ဆိုတာက ကျေးဇူးပြုပြီးစားပါ လို့အဓိပ္ပာယ်ရပါတယ်။
ကြည့်တယ်ကြည့်မယ်ဆိုတာက MIMASU။ TE ပုံစံနဲ့ပြောရင် MITE ဒီတော့ MITE KUDASAI ဆိုတာက ကျေးဇူးပြုပြီး ကြည့်ပါလို့ ပြောတာပါ။
လုပ်တယ်လုပ်မယ်ဆိုတာက SHIMASU။ TE ပုံစံနဲ့ပြောရင် SHITE ဒီတော့ SHITE KUDASAI ဆိုတာက ကျေးဇူးပြုပြီး လုပ်ပါလို့ပြောတာပါ။
လာတယ် လာမယ် ဆိုတာက KIMASU။ TE ပုံစံနဲ့ပြောရင် KITE။

ဒီတော့ KITE KUDASAI ဆိုတာက ကျေးဇူးပြုပြီး လာပါ လို့ပြောတာပါ။

အခြေခံအားဖြင့် TE ပုံစံပြောင်းချင်ရင် MASU ဆိုတာကို TE လို့ ပြောင်းလိုက်ရုံပဲဆိုတော့ လွယ်ပါတယ်နော်။ OBOEMASU (မှတ်တယ်၊ မှတ်မယ်)လိုမျိုး MASU ရဲ့ရှေ့မှာ သရသံ “E” ရှိတယ်ဆိုရင်ဒီပုံစံနဲ့ ပြောင်း ပါတယ်။ နောက်ပြီးတော့ MIMASU (ကြည့်တယ်၊ကြည့်မယ်) ဆိုတာမျိုး MASU ရှေ့ကစကားလုံးမှာသရသံ “I” ပါတဲ့ ကြိယာ ဆိုရင် လည်း MASU ကို TE ပြောင်းလိုက်ရုံပါပဲ။ TE ပုံစံကြိယာပြောင်းတဲ့ အခြားနည်းလမ်း တွေကိုလာမယ့် သင်ခန်းစာမှာ ရှင်းပြသွားမှာပါ။

TE- ပုံစံကြိယာတွေဟာ ဂျပန်စာသင်ရာမှာကြုံ တွေ့ရတဲ့ ပထမဦး ဆုံးအခက်အခဲတစ်ခုဖြစ်နိုင်ပါတယ်။ အခက်အခဲကိုကြိုးစားကျော်လွှား ကြရအောင်နော်။