သင်ပေးပါဆရာမ
လတစ်လမှာရှိတဲ့ရက်တွေကို ဘယ်လိုပြောသလဲ။ (သင်ခန်းစာ 27)
ဂျပန်လို လတစ်လရဲ့ပထမဦးဆုံးရက်ဖြစ်တဲ့ ၁ ရက်နေ့ကိုTSUITACHI လို့ခေါ်ပါတယ်။ မူရင်းအဓိပ္ပါယ် လစထွက်တဲ့နေ့ပါ။ ၂ရက်နေ့ကနေ ၁၀ ရက်နေ့အထိ အပြောလေ့ကျင့်ကြည့်ရအောင်။ဒုတိယနေ့(၂ရက်နေ့)ကို FUTSUKA,တတိယနေ့(၃ရက်နေ့)ကို MIKKA.
စတုထ္တနေ့(၄ရက်နေ့)ကို YOKKA, ပဉ္စမနေ့(၅ရက်နေ့)ကို ITSUKA,
ဆဌမနေ့(၆ရက်နေ့)ကို MUIKA, သတ္တမနေ့(၇ရက်နေ့)ကို NANOKA,
အဌမနေ့(ဂရက်နေ့)ကို YÔKA, နဝမနေ့(၉ရက်နေ့)ကို KOKONOKA,
ဒဿမနေ့(၁၀ရက်နေ့)ကို TÔKA.. လို့ပြောပါတယ်။
သင်ခန်းစာ ၇မှာ ရှင်းပြခဲ့တဲ့အတိုင်းဂျပန်မှာ ဟိုရှေးကတည်းကနေ့ရက်ရေတွက်တဲ့နည်းအတိုင်း သုံးထားတာဖြစ်ပါတယ်။
၁၁ ရက်နေ့ကနေ လကုန်တဲ့နေ့အထိကိုတော့ကိန်းဂဏန်းနဲ့ NICHI ဆိုတာကို တွဲပြီး ဥပမာ ၁၁ ရက်နေ့ဆိုရင် JÛICHINICHI လို့ပြောပါတယ်။
ခြွင်းချက်အနေနဲ့မှတ်ထားရမယ့်ရက် ၃ရက်ရှိပါတယ်။ အဲဒါတွေက ၁၄ ရက်နေ့ဆိုရင် JÛYOKKA. ၂၀ ရက်နေ့ဆိုရင် HATSUKA နဲ့ ၂၄ ရက်နေ့ဆိုရင် NIJÛYOKKAတို့ဖြစ်ပါတယ်။
သင်ကြားရေးအထောက်အကူပြုပစ္စည်းစာမျက်နှာကိုသွားပါ။