လွယ်ကူလေ့လာဂျပန်စာဆိုတာ ဘာပါလဲ။
သဒ္ဒါ သင်ခန်းစာများ (၂၀၁၅ခုနှစ် မူ)
- သဒ္ဒါကို အခြေခံကစပြီး လေ့လာနိုင်ပါတယ်။
- အိုနိုမာတိုပဲ မြည်သံစွဲ စကားလုံးတွေကိုလည်း လေ့လာနိုင်ပါတယ်။
"လွယ်ကူလေ့လာ ဂျပန်စာ" သင်ခန်းစာ ဟာ ဂျပန်နိုင်ငံရဲ့ တစ်ခုတည်းသော အများပြည်သူပိုင် ရုပ်သံလွှင့်လုပ်ငန်း NHK WORLD-JAPAN က ထုတ်လုပ်ထားတဲ့ ဂျပန်စာ သင်နိုင်တဲ့ အစီအစဉ် ဖြစ်ပါတယ်။ အခြေခံ သဒ္ဒါနဲ့ အသုံးဝင်တဲ့ ဂျပန်စကားပြောတွေကို သင်ယူနိုင်ပါတယ်။ ဂျပန်စာသင်ခန်းစာ စာအုပ် ကိုလည်း ဒေါင်းလုဒ် ယူထားနိုင်ပါတယ်။
ဇာတ်လမ်းတွဲမိတ်ဆက်
အသက်၂ဝအရွယ်ရှိတဲ့ထိုင်းလူမျိုးကျောင်းသူလေးအန်းနာ ဟာ ဂျပန်မန်းဂါ့ကာတွန်းတွေကိုနှစ်သက်သူပါ။ သူဟာတိုကျိုကတက္ကသိုလ်တစ်ခုမှာ ဂျပန်စာကို ၁ နှစ်သင်ယူဖို့ ဂျပန်ကိုလာခဲ့ပါတယ်။သူ့ရဲ့ခရီးသွားတဲ့၊ ဈေးဝယ်တဲ့အတွေ့အကြုံတွေနဲ့အဆောင်မှာနေတဲ့နေ့စဉ်ဘဝအကြောင်း၊ တက္ကသိုလ်မှာအတန်းတွေတက်တဲ့ အတွေ့အကြုံတွေအကြောင်းကနေ ဂျပန်စာကိုလက်တွေ့သင်ယူမှာပါ။
အဓိကဇာတ်ကောင်များ
(Anna) အန်းနာ
ဂျပန်မန်းဂါ့ကာတွန်းတွေကိုနှစ်သက်တဲ့ ထိုင်းနိုင်ငံကလာတဲ့ကျောင်းသူလေးရဲ့ ရည်ရွယ်ချက်က ဂျပန်လိုရေးထားတဲ့ ကာတွန်းတွေကို အခက်အခဲမရှိ ဖတ်နိုင်ဘို့ပါ။ သူဟာသွက်လက်ပြီး သိလိုစိတ်ပြင်းပြသူလေးပါ။ တစ်ခါတစ်ရံမှာ အဆင်မချောတာလေးတွေရှိပေမယ့် ဂျပန်စာနဲ့ယဉ်ကျေးမှုအလေ့အထတွေကို လေ့လာပြီး အမျိုးမျိုးတတ်သိနားလည်လာခဲ့ပါတယ်။
(Sakura) ဆာ့ခူရာ
ပစိဖိတ်ကမ်းရိုးတန်း မှာရှိတဲ့ ရှီဇူအိုကာခရိုင်က မစ္စဆာ့ခူရာဟာ အန်းနာတက်နေတဲ့ တက္ကသိုလ်ကကျောင်းသူတစ်ဦးဖြစ်ပြီး ဂျပန်စာသင်တဲ့ ဆရာမတစ်ဦး ဖြစ်ချင်သူပါ။ သူဟာနိုင်ငံခြားသားကျောင်းသား ကျောင်းသူတွေကို ကူညီသင်ပြပေးတဲ့ နည်းပြတစ်ဦးဖြစ်ပြီးအန်းနာကို ဂျပန်မှာနေသားတကျဖြစ်အောင် ကူညီ ပေးနေသူပါ။
(Rodrigo) ရိုဒရီဂို
မက္ကဆီကိုကလာတဲ့မစ္စတာ ရိုဒရီဂိုဟာအန်းနာရဲ့အတန်းဖော်ပါ။
ဂျပန်လူမျိုးတွေရဲ့သမိုင်းကြောင်းကို စိတ်ဝင်စားသူ၊ဗဟုသုတ ကြွယ်ဝသူဖြစ်ပြီး၊ရိုးရိုးသားသားနဲ့ ပျော်ပျော်နေတတ်သူပါ။
(Prof. Suzuki) ပါမောက္ခ ဆူဇူကီး
ပါမောက္ခ ဆူဇူကီးဟာ မစ္စအန်းနာနဲ့ အခြားနိုင်ငံခြားသား ကျောင်းသားကျောင်းသူတွေကို ဂျပန်စာသင်ကြားပေးနေသူပါ။ တပည့်တွေက သူ့ကိုအားကိုးယုံကြည်ကြ ပါတယ်။ တပည့်တွေ ပြဿနာတွေကြုံပြီဆိုရင် သူက အကြံပေးလမ်းညွှန် ပါတယ်။
အဆောင်မှူး
သူကတော့ အန်းနာနေတဲ့အဆောင်ရဲ့အဆောင်မှူးဖြစ်ပြီး ကျောင်းသားကျောင်းသူတွေက သူ့ကိုဂျပန်လို အိုခါးစံ(အမေ) လို့ခေါ်ကြပါတယ်။ သူဟာစည်းကမ်းတင်းကြပ်ပေမယ့် နိုင်ငံခြားသား ကျောင်းသားကျောင်းသူတွေအပေါ် နွေးထွေးသူပါ။
(Kenta) ခဲန်းတ
တက္ကသိုလ်ကျောင်းသား မစ္စတာခဲန်းတကတော့ မစ္စဆာ့ခူရာရဲ့မောင်နှမဝမ်းကွဲ တော်စပ်သူပါ။ ဆာ့ခူရာရဲ့ဇာတိ ရှီဇုအိုကာခရိုင်မှာနေပါတယ်။ သူဟာတက္ကသိုလ်မှာ ဓါတ်ပုံဆရာအသင်းဝင်တစ်ဦးပါ။
သင်ခန်းစာတွေကို ကြီးကြပ်သူ
(Akane Tokunaga) အာကာနဲ တိုခုနာဂါ
ခန်းဒ တက္ကသိုလ် နိုင်ငံတကာလေ့လာရေးဌာနရဲ့ တွဲဖက်ပါမောက္ခ
မစ္စတိုခုနာဂါ ဟာ ၁၉၉၀ပြည့်နှစ်နောက်ပိုင်းကစပြီး ဂျပန်စာဆရာမတစ်ဦး အနေနဲ့နေရာအမျိုးမျိုးမှာ တက်ကြွ စွာသင်ကြားလာခဲ့သူပါ။ ၂၀ဝ၀ ခုနှစ်ကစပြီး ခန်းဒ တက္ကသိုလ်၊နိုင်ငံတကာလေ့လာရေးဌာနမှာ ဂျပန်ဘာသာနဲ့ယဉ်ကျေးမှုအစီအစဉ်နဲ့နိုင်ငံခြားသားကျောင်းသားကျောင်းသူတွေကိုဂျပန်စာသင်ပေးပါတယ်။
သူဟာ သင်ခန်းစာတွေကိုလက်တွေ့အသုံးတည့်အောင်သင်ပေးပြီး ဖော်ရွေတာကြောင့် လူကြိုက်များပါတယ်။